Kiffartuussinermi siunnersorti TELEp Inuussutissarsiutilinnut immikkoortortaqarfianut

Kiffartuussinermi siunnersortimik Account Managerit, Inuussutissarsiornermi specialistinik allallu suliffeqarfitsinni atorfillit suleqatigalugit sullitatsinnik inuussutissarsiutinik ingerlataqartunut kiffartuussinitsinnik pitsanngorsaaqataasinnaasumik atorfissaqartitsivugut. Atorfininneq 1. oktober 2019 pissaaq, imaluunniit isumaqatigiinnikkut.

 

Atorfik immikkoortortaqarfillu pillugit:

Kiffartuussinermi siunnersortitut TELE-mi siunnersuisoqarfik ServiceDesk akisussaaffigissavat.

Tamassumalu saniatigut Account Managerit inuussutissarsiornermilu immikkut ilisimasallit sulineranni tapersersuisuussaatit. Pingaaruteqarpoq sullitatta pisariaqartitaasa ilisimanissaat. Mobiliniit attaveqaateqarnermi iluaqutinik atortunillu nalunarnerusunik ilisimasaqarnissaq.    

Inuussutissarsiornermi kiffartuussillutik sulisut ulapputtuartut sullarissullu suleqatigilissavatit.

Suleqatissatit tamatigut ikiuunnissaminnut ikioqatigiinnissamullu piareersimajuarput.

Sulinerpit nammineerlutit pilersaarusiornissaannut periarfissaqarluarputit, tassanilu tatiginninneq akisussaaffimmilu ilisimaninneq pingaarluinnarput.  

 

Naatsorsuutigaarput:

  • Sullitatsinnik kiffartuussinermik, malinnaanermik aammalu ataqatigiisaarisinnaanermik piginnaaneqarnissat
  • Naleqalersitsisinnaasunik aaqqiissuteqartarnissat aammalu Account Managerit Inuussutissarsiornermilu immikkut ilisimasallit suleqatigalugit kiffartuussatsinnik sullississasutit
  • Suliaqarfinni periuutsinik qaffasinnerpaanik naammassinnissinnaassuutit
  • Ilisarisimanut sullitannullu pitsaasunik ataavartunillu attaveqarsinnaanissat
  • Suleqateqarneq sungiusimassagit
  • Tatiginartuusutit sullarissuusutit aammalu ammasuusutit
  • Akisussaaffimmik tigusisinnaasutit, eqaatsumik pissuseqartutit suliassanillu assigiinngitsunik tigusisinnaasutit
  • Attaveqallaqqittutit - oqallorissuullutillu allallaqqissuusutit

 

Ilinniarsimanerit piginnaanitillu:

Sullitanik kiffartuussineq, tuniniaaneq, ataqatigiissaarineq sulianillu qaffassaaneq misilittagaqarfigisariaqarpatit. IT-mik oqarasuaateqarnermilu suliaqareersimaguit iluaqutigissavat.

Kalaallisut danskisut oqalussinnaassaatit, - aammalu tuluttut oqalussinnaaneq iluaqutaassaaq.

IT-mi ilisimasaqarluarputit – soorlu Windows-ip atortui Axaptalu ilisimassavatit.

 

Neqeroorutigaavut: 

TELE-POSTip atorfik unammillernartoq aammalu suleqatit pillaqqissut piginnaaneqarluartut suliaminnillu soqutiginnilluartut suleqatigilissavatit. Sulianni inuttullu ineriartorluarnissat periarfissaqarluarpoq, minnerunngitsumillu piginnaanitit naapertorlugit akissarsiaqassaatit.  

 

Ilinnut soqutiginarpa?

Atorfik pillugu paasisaqarnerorusukkuit Erhverv Kundechef Laila M. Kristensen e-mailikkut:  LKR@telepost.gl imaluunniit oqarasuaatikkut +299 38 65 21 attaveqarfigisinnaavat.

Qinnuteqarnissamut killissarititaasoq: septembarip 23.-at, 2019