Sunik neqeroorfigaatsigit?
Uummaarissumik pissanganartumillu avatangiineqassaatit, immikkoortortaqarfimmilu sorlermiluunniit suligaluaruit pingaartinneqarput sullitanik ukkatarinninneq, sullissineq eqaatsumillu suleriaaseqarneq.
Immikkoortortaqarfitsinni tamani sulisorpassuit pikkorissut ilisimasaannik aallerfiginissaat periarfissaqarfigilluassavat, tamannalu suliffissarsinissanni iluaqutigisassarnik ilinniagaqarnermik siammasissumik assigiinngisitaartumillu pissarsiffigissavat.
Tusass-imi ilinniartutut makku ilinni naatsorsuutigaavut:
- angusaqarusuttuusutit sorusunnerillu ilisimagit
- karakterigissaartutit sulinngitsuukulasuunngitsutillu
- ilinniagaqarnerit siunissamilu angusaqarluarlutit atorfeqalernissat pimoorukkit
- akisussaassuseqarnermik annertuumik iluarinnittutit sungiussiasuusutillu
- piginnaanngorsarnissat soqutigilluinnarit.
Qulaani allassimasut ilinni takusinnaasatut ilisarisinnaagukku, taava qinnuteqaatit allagaatillu attuumassutillit maannangaaq nassiutikkit.
Tusass-imi ilinniartuuneq pillugu annertunerusumik paasisaqarusukkuit Imm. HR-mut saaffiginninnissamut tikilluaqqusaavutit oqarasuaat: 34 12 55