Nuummi AU Aningaasaqarnermut naatsorsuuserinermullu ilinniartoq

Nuummi AU Aningaasaqarnermut naatsorsuuserinermullu ilinniartoq

 

Ilinniarnertuutut ilinniakkamik aallartitsissamaarpit aammalu kisitsisinik, aningaasaqarnermik naatsorsuutinillu suliaqarneq nuannaraajuk? Controllerinngornissat, naatsorsuuserisunngornissat, akiligassanik akiliutissanilluunniit suliaqartarnissaq takorluugaraajuk, taava maanna TELE-POST-imi suliffimmik misiliinissaq periarfissaqarfigilerpat.

Aningaasaqarnerup Aningaasaatinillu aqutsinerup iluani AU-mik ilinniagalittut, nunatsinni nunanilu allani suliffeqarfinnut niuernermik, nioqqutissiornermik, sullissinermik aammalu pisortat suliffeqarfiutaannut siammarsimasunik misissueqqissaarnernik, pilersaarusiornernik periarfissanillu naammassinninnernik nammineerlutit suliaqartarnissamut periarfissaqalerputit.

 

Sunik neqerooruteqarpugut?

Avatangiisimi uummaarissumi pissanganartumilu sulilissaatit, immikkoortortaqarfimmilu sorlermilunniit suligaluaruit sullitanik qitiutitsineq, sullissineq eqaatsumillu suleriaaseqarneq pingaartinneqarpoq.

Immikkoortortaqarfitsinni tamani suleqatinit pikkorissunit ilinniartinneqarnissat annertuumik periarfissaqarfigaat, tamannalu uatsinni siamasissumik assigiinngisitaartumillu ilinniarnermik tunisissaaq suliffeqaleruit iluaqutigisassannik.

Ilinniarnerpit nalaa tamaat ilinniartutut akissarsiaqartinneqarneq neqeroorutigaarput.

 

TELE-POST-imi ilinniartut ilinnit makku naatsorsuutigaagut:

  • Angusaqarusussuseqartutit suniarnerillu ilisimagit
  • Pitsaasunik karaktereqartutit sulinngitsuukulasuunngitsutillu
  • Nammineq ilinniarninnut ineriartorninnullu pimoorussisuusutit akisussaaffiginnittutillu
  • Annertuumik akisussaaffeqarneq eqaatsumillu suleriaaseqarneq nuannarigit
  • Pikkoriffeqalernissat annertuumik soqutigisarigit. 

Qulaani allassimasut ilisarisinnaagukkit, taava qinnuteqaatit allagartaatillu allat pisariaqartinneqartut maannangaaq nassiutikkit imaluunniit kingusinnerpaamik ulloq 16. maj 2021 nassiutikkit.

 

Qinnuteqarnissamut killissarititaasoq: maajip 16.-at, 2021