Attaveqaatinut immikkoortortaqarfimmut Senior arkitektimik pissarsiorneq

TELE-POST – silarsuaq qaninnerulersipparput

Taanna qulequtaralugu silarsuarmi sumiiffiit imaannaannginnerpaat ilaanni attaveqaateqarneq pitsaanerpaaq qulakkeerniarlugu TELE-POST-imi sulivugut. Senior arkitektitut suliaqartarnerni qitiusumik inissisimaffeqalissaatit. TELE-POST-ip attaveqaatai tassaapput nuna tamakkerlugu MPLS Service providerinut attaveqaatit aammalu mobilinut IMS-imullu sullissivinnut atatillugu IP-mut attaveqaat pisariusoq kiisalu datacenteri, Ciscop DataCenteriata atortuinik tunngaveqartoq. Attaveqaatinut immikkoortortaqarfimmi sulisuupput sulianut immikkut ilinniarluarsimasut qulit TELE-POST-ip IP tunngavigalugu nunatsinni nunanilu allani kiffartuussinerinut kiisalu IP tunngavigalugu sullissinerinut allanut tunngaviulluinnartut.

 

ATORFIK

Attaveqaatinut immikkoortortaqarfimmi pisortaq, Senior arkitektitut atorfimmut qullersaavoq. Attaveqaatinut immikkoortortaqarfik sulisunik qulinik tunniusimalluartunik sulisoqarpoq, ilaatigut sanariaatsinik, ilusilersuinerni, pitsanngorsaatinik, isumannaallisaanermik allagartalersuinermillu suliaqartunik, aaqqissuusaanermullu tunngatillugu IT-mik suliaqarfitsinnut atavugut.

 

Senior arkitektitut akisussaaffigissavatit:

  • Kalaallit Nunaata IT-mut attavilersugaaneranik pilersaarusiorneq ilusilersuinerlu, taakkununnga ilanngullugit Kalaallit Nunaata Service providerimut attavilersugaaneranik ilusilersuineq ineriartortitsinerlu TELE-POST-ip suliassatut siunniussaanut iluaqusersuutaasussanut
  • Suliassanut assigiinngiiaartunik pisariussusilinnut annertussusilinnullu suleqataaneq, illit akisussaaffigisussaallugu teknikkimut tunngassutilinnik ilusilersuinerit, soorlu ikkussuinernut atortunik blueprintinik suliaqarnerit
  • Nalunaarasuartaaserinermik suliaqarfiup iluani isumannaallisaanermut pitsaassutsit qaffasinnerpaat attaveqaasersugaanerup ilusilersugaanerata naammassisimassagai
  • Sulianik ingerlatsinermi inuup suliarisartagaanik nammineertunngortitsinernik ilusilersuinerit atortulersuutinillu ineriartortitsineq

 

ILLIT KINAAVIT?

Unamminartunut sapiissusilik, pissusissamisuuginnartutut siulersuilertarputit suliassallu oqimaatsut naammattooraangakkit suliarinissaannut nukissaqarlualersarputit. Pinginnaasat pisariaqartinneqartut pigaatit, soorlu Ciscomik suliarinnissinnaanermut uppernarsaataateqarputit, suliassanik taaneqartuni suliarinnissinnaavutit ukiunilu arlalinni taamatut suliaqarnermik misilittagaqarlutit. Allanut attaviginninnerni ersarissumik attaveqartarputit suliassallu paasiuminaatsut paasiuminartunngortissinnaallugit.

 

SULININNI QAFFAKKIARTORNERIT QAFFATSIALLAKKUSUPPIUK?

Avatangiisimi persuarsiorpalaarpallaanngitsumi suliatigut inuttullu ineriartornissamut periarfissaqarluassaatit. Nammineq atorfinni sulininnilu qaffakkiartorninni ineriartornissamut sunniuteqarnissamullu periarfissat pitsaalluinnartuupput. Tamakkununnga ilanngunneqarsinnaapput misilittagaqarfigiligassannik inuunerpillu sinneranut pissarsiffigisinnaasannik nunamik kulturianillu ilisarinnilernissamik periarfissinneq.

 

TELE-POST

’TELE-POST-ip silarsuaq qaninnerulersippaa’-mik anguniagaqarneq tunngavigalugu, ingerlatseqatigiiffiup sulisuisa 400-nit ikinnerulaartut suliaraat Kalaallit Nunaanni tamarmi attaveqaqatigiinnermut aaqqissuussaanerup nutaaliaasup pilersinnissaa qulakkeernissaalu. TELE-POST-ip qullersaqarfia, Nunatta illoqarfiisa pingaarnersaanni Nuummi inissisimavoq.  

 

TELE-POST pillugu allanik atuarit uani: www.telepost.gl

 

Atorfik pillugu allanik apeqqutissaqaruit, tikilluaqquneqarputit Attaveqaateqarnermut immikkoortortami pisortaq Thomas Brøgger attavigisallugu e-mailiatigut: THBR@telepost.gl, mobil: +299 565457.

 

CV-t qinnuteqaatillu qinnuteqarnissamut toortagaq matuma ataaniittoq ”Søg jobbet online” aqqutigalugu nassiutikkit. Qinnuteqaatit ataavartumik nalilersorneqartarmata qinnuteqaativit piaarnerpaamik tigunissaa qilanaaraarput.

Tusarfiginissat qilanaaraarput.