Bachelorinngornianut, Kandidatinngornianut masterinngornianulluunniit Tusass-imi

Kalaallit Nunaanni teknologii piujuaannartitsinermik tunngavilik pillugu saqqummiusseqataallutillu ilisimasanik nutaanik ineriartortitseqataarusuppit? Taava maanna periarfissaqalerputit Tusass-imi suliffimmik misiliinissannut imaluunniit specialiliornissannut.

 

Nalunaarasuartaatitigut attaveqaqatigiinneq ineriartuinnavippoq, Tusass-imilu sulissutigineqarpoq Kalaallit Nunaanni inuiaqatigiit nutaaliaasunik unammillersinnaassuseqartunillu attaveqaqatigiinnermi atortoqarnissaat. Sullissinermi nukissaqarluarneq, kultuurip suleqatigiiaallu nunani tamalaaneersut akuliusimanerat kiisalu avatangiisit pissuarsiorpalaartuunngitsut suliffeqarfiup ilisarnaatigai.

 

Bachelorinngorniarnermut, kandidatinngorniarnermut, masterinngorniarnermut imaluunniit assigisaannut atatillugu Tusass sulinermik misiliisunut speciaaliliortunullu ingerlaavartumik suleqatigiinnissamik neqerooruteqartarpoq.

Tusass-imi suliffimmik misiliisutut speciaaliliortutulluunniit siunissami sulilernissannut toqqammaviliilluarsinnaavutit. Neqeroorut ilinnut piviusunik suliaqaqataarusuttumut periarfissatsialaavoq.

 

Tusass-ip qullersaqarfiani Nuummiittumi sulilissaguit 200 missaanniittunik suleqateqassaatit taamaalillutillu attaveqaatinnik annertusaanissamut periarfissaqarluassallutit (nuna tamakkerlugu sulisut 400-rujut missaanniipput taakkunanngalu ataasiakkaat Danmarkimi aamma allaffeqarput). Piginnaasannik atorluaanissamut ineriartortitsinissannut aamma periarfissaqarluassaatit. Tamatuma saniatigut Nioqqutit & Nittarsaassineq, Sulisoqarneq & CSR, Aningaasaqarneq & Naatsorsuuserineq, Attaveqaqatigiinneq kiisalu IT-qarneq, Attaveqaasersugaaneq Teknikkeqarnerlu pillugit isumasioqateqarsinnaassaatit siunnersorneqarsinnaassallutillu, makkua pillugit;

 

  • Nuna tamakkerlugu MPLS-imik attaveqaatip nakkutiginera ingerlanneqarneralu
  • IP-mut MPLS-imullu attaveqaatit pillugit immikkoortortaqarfinnut kiffartuussineq
  • Tusass-ip suliffeqarfiata iluani attaveqaatinik nakkutiginninneq ingerlatsinerlu
  • Datacenterip Microsoft cloudillu kiffartuussissutaanik ingerlatsineq ineriartortitsinerlu
  • It-governance, -sillimaniarneq, -nakkutiginninneq aammalu -service managementimik isumaginninneq
  • Mobiilinut atortulersuutinik ingerlatsineq, mobildatacenterimiit mobilradiokkut attaveqaasersuinermut (2G, 3G, 4G & 5G)
  • Illoqarfinni backhaulimik/ Minilinkinik ingerlatsineq
  • Inuit pillugit paasissutissat, internettikkut sillimaniarneq kiisalu sillimaniarnermik aqutsineq pillugu siunnersorneqarneq/isumasioqatigiinneq
  • Suliniutinik ingerlatsineq
  • Paasissutissanik katersineq aammalu naatsorsuineq missingersuusiornerlu
  • Ingerlatsinermi killiffiit pillugit nalunaarusiortarnerit suliaqartarnerillu
  • Sakkortusaavinnik nakkutilliineq ajoqutinillu aaqqissuussineq
  • Sakkortusaavinnut tunngatillugu attaveqaatinik pilersaarusiorneq
  • Atuisunik sullissineq kiisalu atuisunut aaqqiissutinik pitsanngorsaaneq, tassunga ilanngullugu kiffartuussinermut isumaqatigiissutit
  • Atuisut It-kkut attaveqaataannik sillimaneriarnermillu ingerlatsineq ineriartortitsinerlu
  • Nioqqutinik ineriartortitsineq isumassarsiamiit niuernermut (angerlarsimaffinnut suliffeqarfinnulluunniit mobilitigut internittikkullu aaqqiissutini)
  • Tuniniaanermik pitsanngorsaaneq (ilaatigut nittartagaq www.tusass.gl aqqutigalugu)
  • Nittarsaassineq (nittarsaassineq kiisalu kiffartuussissutinik atortunillu tuniniaaneq)
  • Systemmit pingaarutillit pillugit Operations Management – Billing, CRM, Provisioning
  • Suleriaatsit atortullu pillugit suliffeqarfiup iluanut avataanullu (E2E) 3rd line ikiuineq
  • Datasimplificering, -misisueqqissaarneq kiisalu ajornartorsiutinik aaqqiineq

 

 

Suliassatit

 

Suliffeqarfimmik misiliisoq

Ilinniarninnut atatillugu suliffeqarfimmik misiliisinnaavutit. Tusass-imi suliffimmik misiliisutut piginnaasatit soqutigisatillu aallaavigalugit sulisutulli allatut ulluinnarni suleqataassaatit, ilaatigut suliffeqarfiup iluani avataanilu suleqatigisanik ataatsimeeqateqarnerni, ingerlatsinermut tunngasuni kiisalu Prince2-mi periuseq malillugu suliaqartarnerni.

 

Suliffimmik misiliineq unammillernartulik ilikkagaqarluarnartoq naatsorsuutigissavat. Suliffimmi avatangiiserissaarneq ulluinnarnilu akisussaassuseqarluni nammineersinnaatitaaneq neqeroorutigaavut.

 

Ilinniarfippit pisinnaatitsinera naapertorlugu suliffeqarfimmik misiliineq akissarsiaqarfiusarpoq. Akissarsiat saniatigut ajunngitsorsiaqassaatit soorlu, nerisarfimmut, timigissartarfimmut assigisaannullu tunngatillugu.

 

Speciaaliliorneq

Speciaaliliorfissarsioruit sammisanut, soorlu makkununnga tunngasunik soqutigisalimmik ilinniartussarsiorpugut:

 

  • Cisco-mik attaveqaatit, kiffartuussissutitut enterprisetullu
  • Cisco-mik tunngaveqarneq, pitsanngorsaaneq ilanngullugu
  • Service-providerikut attaveqarneq inerisaanerlu
  • Datacenter: Cisco, VMWare, Nutanix, Linux, PostgreSQL
  • Microsoft: Windows, SQL, Systemcenter, Datawarehouse, PowerBI
  • Governance: ITIL, ISO27001, GDPR, PowerBI, Orion
  • Mobilikkut teknologii nutaaq: Suliniut 5G (Core aamma RAN)
  • Internetteqarnermi teknologii nutaaq: Suliniut xDSL
  • Logmanagement- sillimaniarnermillu aqutsinermi systemmi
  • Sillimaniarnermi nalinginnaasumik suliat (assersuutigalugu illuutitsinni 1000-it missaaniittuni sillimaniarneq)
  • Datanik aaqqissuussinermik pitsanngorsaaneq, datanik suliaqarneq misissueqqissaarnerillu
  • MS365-ip tunngavianik pitsanngorsaaneq
  • Suliat sakkortusaavinnik ilaartuinermut tunngasut (Microwave)
  • Suliat nutaanik sakkortusaaviliornernut tunngasut (Microwave)
  • Sakkortusaavinnut atortulersuutini teknologiinik nutaanik misissuinerit (Microwave)
  • Attaveqaatini attaveqaqatigiinnermilu teknologiit (Cisco, Fortinet, Nutanix, VMware) kiisalu ITSM-systemit
  • Suliffeqarfinnut oqarasuaatit nutaat suliffeqarfiillu attaveqaataannik inerisaaneq (attaveqaateqarnermi nioqqut)
  • Atuisunut IT-kkut sillimaniarnissamut aaqqiissutit nutaat
  • Tusass-ip silarsuaanik Tusass-imillu nittarsaassineq
  • Nioqqutinik kiffartuussissutinillu nutaanik ingerlaavartumik saqqummersitsisarneq
  • Nioqqutinik nutaanik Mobilinik, internettikkut roaminngikkullu aaqqiissutinik – E2E – ineriartortitsineq/atuutilersitisarnerlu
  • Nioqqutinut atortulersuutinullu tunngatillugu iliuusissiornerit
  • Tunisassioriaatsinik niueriaatsinillu ineriartortitsineq / inerisaaneq

 

Illilli allanik (tekniskinik tekniskiunngitsunilluunniit) misissorusutannik peqaruit tamakku pillugit aamma tusarfigerusuppatsigit.

 

Tusass-imi speciaalilerorusukkuit sulisumik/immikkoortortaqarfimmik aallussisumik attaveqaaserneqassaatit speciaaliliornerni siunnersortigisinnaasannik. Taamaattoqassappalli speciaaliliornissat pillugu ilinniarfiit isumaqatigiissuteqarfigereersimassavat.

 

Illit pillutit

Periaatsinik ilisimasaqarluartunik angusaqarluarusuttunillu suliffimmik misiliisussarsiorpugut imaluunniit speciaaliliortussarsiorluta, nammineerluarsinnaasunik, suleqataalluartunik tunniussaqaqataanissamullu tunuarsimaanngitsumik. Inuttut qanoq ittuunerit uagutsinnut pingaaruteqarpoq.

Taamaattumik aaqqissuussamik periuseqassaatit, alapernaatsuussaatit kiisalu unammilligassanut nutaanut paasinnissinnaassuseqarlutillu unammillersinnaassuseqassaatit. Soqutigisaqarfigisanni ineriartorusussuseqarnissat kiisalu ilisimasatit aallaavigalugit iliuuseqarsinnaanissat pingaarnerpaavoq. Ilinniarnermi suliaqartarnernik, sulisimanermik assigisaannillu misilittaganeruit iluaqutaassapput.

 

Saaffiginniffissaq paasissutissallu sukumiinerusut

Sukumiinerusumik paasisaqarusukkuit Sulisoqarnermut immikkoortortaqarfik oqarasuaammut +299 341255-mut mailimulluunniit hr@tusass.gl-imut saaffigisinnaavat.

 

Qinnuteqarneq oqaloqatiginninnerillu

Mailikkut qinnuteqaatinik tigusineq ajorpugut, qinnuteqarniaruillu sulisussarsiornermi portalitsinnut qinnuteqaatit ilissavat. Qinnuteqaleruit ilanngussassatit tassaapput:

  • CV
  • Karakteritit
  • Ilisaritinnerit, misissorusutatit/ilinniakkallu ilanngullugit
  • Paasissutissat/siunertat ukununnga tunngasut:
    • Suliffimmik misiliinerup ingerlanneqarnissaa (qaqugu suliffimmik misiliinissat, imarisaa, nalunaarusiortarnissaq assigisaalu) imaluunniit
    • Speciaaliliassat (piffissaq speciaaliliorfissat, ECTS, siunnersortit, annertussuseq assigisaalu)
  • Suliffimmik misiliinerup /speciaaliliornerup nalaani Tusass-imut Immikkut kissaatigisat/naatsorsuutigisat/piumasaqaatit

 

Suliffimmik misiliinissaq speciaaliliornissarluunniit isumaqatigiissusiornikkut ingerlanneqassaaq. Nalinginnaasumilli suliffimmik misiliinerit januaarimit juunip tungaanut imaluunniit aggutsimit decembarip tungaanut ingerlanneqartarput. Qinnuteqartut suliffeqarfimmut naapertuuttut ingerlaavartumik oqaloqatigineqartassapput.

 

 

Kalaallit Nunaat tamakkerlugu Telecomimi attaveqaateqarnermilu Tusass assigiinngitsorpassuarnik suliaqartarpoq. Attaveqaatit pingaarnerit assigiinngitsut pingasuupput; immap naqqatigut kabeli, sakkortusaaviit qaammataasakkullu attaveqarneq. Taakkua tassaapput illoqarfinni mobiilitigut, internettikkut, IP-kkut, attaveqaatit pillugit protokolilerinermi, paasissutissalerisarnermi assigisaannillu suliaqartarnerni attaveqaataasut. Tusass inunnut ataasiakkaanut suliffeqarfinnullu niuernermi saniatigut inuiaqatigiinni pingaaruteqavissunik kiffartuussivoq soorlu timmisartut umiarsuillu sumiissusiornerinut, tv aamma radioqarnermut, qitiusumik paasissutissaateqarfinnut, IT-qarnermut internettikkullu attaveqarnermi sillimaniarnermut.

Tusass-ip isumagaattaaq atortunik issittumi immikkuullarissumik klimalimmi atorneqarsinnaasunik qulakkeerinnittarneq. Atortut tassaapput illuutit, nukissiorfiit, nillusaateqarfiit kiassaateqarfiit kiisalu silaannarissarfiit.